പ്രതിഷ്ഠ 

മനസ്സിൽ ഞാൻ നിനക്കായ് കുടൊരുക്കി 

ആ കുട്ടിൽ ഞാൻ ദൈവങ്ങളെ കയറ്റിയില്ല

കൃഷ്ണനെയും അല്ലാഹുവിനെയും

അവിടെ പ്രതിഷ്ഠിക്കാൻ സമൂഹം മത്സരിച്ചു 

അതിന്റെ ഫലമായി 

മുറിവേറ്റത് എന്റെയും നിന്റെയും 

വിവാഹസ്വപ്‌നങ്ങൾ ആയിരുന്നു.

                                              വന്ധ്യത

അച്ഛനമ്മമാർ ചെയ്ത തെറ്റിന്റെ 

ഫലമായി നാം ജനിച്ചു 

നമ്മൾ ചെയ്യുന്ന തെറ്റിന്റെ ഫലമായി 

പുതു തലമുറ ഉണ്ടാകാത്ത

 അവസ്ഥയാണോ ഈ വന്ധ്യത ?

                                              മയിൽപ്പീലി

മയിൽപ്പീലി തുണ്ടുണ്ടുകൾ കാത്തുവെച്ചു 

ഞാൻ കാത്തിരിക്കവേ 

ചായം തേച്ച ചുണ്ടുകൾ തേടി നീ പോയതും 

മാനം കണ്ട മയിൽപ്പീലി പോലെ 

എന്റെ ഹൃദയം തകർന്നതും  ഒരുമിച്ചായിരുന്നു .

കൂട്ട്

 ഞാൻ സ്നേഹിച്ച 

 എന്നെ സ്നേഹിക്കുന്നുവെന്ന് 

 ഞാൻ വിശ്വസിച്ചവൻ 

വിട്ടകന്നപ്പോൾ 

  എനിക്ക് കൂട്ടായി 

  എന്റെ നിഴൽ  മാത്രം ബാക്കി .

                                 രാധയുടെ ആഗ്രഹം

                                     കൃഷ്ണനെന്ന ദൈവത്തെക്കാൾ

                                     കൃഷ്ണനെന്ന മനുഷ്യനെ 

                                     എന്നിലെ രാധ  ആഗ്രഹികുന്നു.